මේ දිනවල තිරගත වන සුගත් සමරකෝන්ගේ විජය කුවේණි චිත්‍රපටයේ කුවේණිගේ චරිතය මවන දුලානි අනුරාධා පිළිබඳව මීට පෙර ලිපියකින් අප ඉදිරිපත් කළා. මේ චිත්‍රපටයේ දර්ශන කිහිපයක් අන්තර්ගත වුණු ප්‍රචාරක පටයක්ද මේ දිනවල අන්තර්ජාලයේ සැරි සරනවා. මෙහි එක් දර්ශනයක දුලානි ඉතාමත් කෙටි ඇඳුමක් ඇඳ ඉහළ සිට පනින දර්ශනයක් තිඛෙන අතර මේ නිසා දුලානි ප්‍රශ්නයකට හා පීඩාවට පත් වී ඇති බව
සරසවිය පුවත්පතට ප්‍රකාශ කර තිඛෙනවා. ඇය පවසන්නේ තමන් එවැනි කෙටි ඇඳුමක් ඇන්ඳේ නැති බවත් කිසිවකු ග්‍රැෆික් මඟින් එය වෙනස් කර ඇති බවත්ය...
කුවේණියට සාධාරණයක් කළ ඔබට පවා යම් අසාධාරණයක් වුණා?
ඔව්. ඇත්තටම මම ඒ ගැන මේ මාධ්‍යයකට හෙළිදරවු කරන ප්‍රථම අවස්ථාව. විජය - කුවේණි චිත්‍රපටයේ ප්‍රචාරක පටයක් අන්තර් ජාලය ඔස්සේ අහම්ඛෙන් මම දැක්කා. එහි එක් රූප රාමුවක කිසියම් විකෘතියක් නැතිනම් මවාපෑමක් කර තිබූ නිසා මට ලොකු අවුලක් වුණා.
තවදුරටත් පැහැදිලි කළොත්?
චිත්‍රපටයේ එක් දර්ශනයක් තිබුණා මම උස් තැනක හිඳන් පනින. ඒ ජවනිකාවට මම ඇඳගෙන හිටියේ ටයිට් ෂෝට් එකක්. ඒත් ඒක ග්‍රැෆික් නිර්මාණයක් මඟින් වෙනස් කරලා මගේ දෙපා නිරාවරණය වෙන විදිහට ඉතාමත් කෙටි ඇඳුමක් විදිහට හදලා තිබුණා.
එවැනි කෙටි ඇඳුමක් ඔබ පාවිච්චි කළේ නැහැ?
නැහැ, කොහෙත්ම නැහැ.
වගකීමෙන් ද ඔය ප්‍රකාශය කරන්නේ?
ඔව්. ඉතාමත්ම වගකීමෙන්. මම ගුරුවරියක්. ඒ නිසා මේක මට විශාල ප්‍රශ්නයක්. මානසික පීඩාවක්.
අන්තර් ජාලයෙන් මේක දැක්කට පස්සේ ඔබ මොකද කළේ?
විදුලි සංදේශ නියාමන කොමිෂන් සභාවට පැමිණිලි කළා. පොලීසියේ පැමිණිල්ලක් ඉදිරිපත් කරන්නට කියා ඔවුන් කිව්වා. නමුත් ඊටත් වඩා සුදුසු චිත්‍රපට සංස්ථාවේ සභාපතිවරයාට මේක දැනුම් දීමයි කියලා අපට දැනගන්නට ලැබුණා. ඒ අනුව මම ජාතික චිත්‍රපට සංස්ථාවේ සභාපති අශෝක සේරසිංහ මහත්මාට මේ අවනඩුව ගැන කිව්වා. කරුණු විමසා බලා ඔහු මට දැනුම් දුන්නා චිත්‍රපටයේ එහෙම දර්ශනයක් තිබුණත් එය ප්‍රදර්ශනයට කලින් ඉවත් කළා කියලා.
මේ අකටයුත්ත සම්බන්ධයෙන් ඔබ කාටද ඇඟිල්ල දිගු කරන්නේ?
එහෙම කාටවත් ඇඟිල්ල දිගු කරන්න කෙළින්ම මට බැහැ. මොකද මේක කාගේ වුවමනාවට වුණ දෙයක් ද කියලා මම හරියටම දන්නේ නැති නිසා.
චිත්‍රපටයේ නිෂ්පාදක - අධ්‍යක්ෂ මේ ක්‍රියාවට වගකිව යුතු යැයි ඔබ හිතන්නේ නැතිද?
ඒක මම හරියටම කියන්න දන්නේ නැහැ. මොකද සංස්කරණයේදී පවා මේ වගේ දෙයක් වෙන්නට පුළුවන්නේ. සමහර විට නිෂ්පාදක - අධ්‍යක්ෂ අපහසුතාවයට පත් කරන්න වෙනත් කෙනෙක් මේ වගේ වැඩක් කළා වෙන්නත් බැරි නැහැ.
ෘමක්බස Aබමර්ාය් සබ ,ඪසව්හ් ණමඇබස,
චිත්‍රපටයේ හෝ පූර්ව ප්‍රචාරක පටවල මේ ජවනිකාව ඇතුළත් නොවුණ නිසා ඔබට එතරම් කලබල වෙන්න දෙයක් නැහැනේ?
ඔව්, නමුත් අන්තර්ජාලය ඔස්සේ තවමත් අර හොරට හදපු දර්ශනය දකිනවා. ඒකයි මට තියෙන ප්‍රශ්නය. නමුත් චිත්‍රපටයට රූගත කළ නියම දර්ශනයත් අන්තර් ජාලය ඔස්සේ ළඟදීම දකින්න ඔබට පුළුවන් වෙයි. එතකොට මේ කතාවේ ඇත්ත, නැත්ත කාටත් තේරෙයි.
එතකොට ආදරය, විවාහය වගේ දේවල්?
මට පෙම්වතෙක් ඉන්නවා. ඔහු මාව හොඳින් තේරුම් ගත්ත කෙනෙක්. ඒත් වැඩි විස්තර දැන්ම කියන්න අවශ්‍යය නෑ කියලා මට හිතෙනවා.
No comments:
Post a Comment